غيم الوله ، غطّا سما قفر الإحساس
و امّطر : على فياض الضمير المعاني
سقياهـ نبض ، و نفحة انسامه انفاس
و عشبه شرايين ، و غصونه محاني
لا هزّها ، من يمة [ الوجد ] نسناس
فجّر ، ينابيع [ الحنين ] ، و ملاني !
عليك : يا ماخذ عيوني ، من الناس !
في حاضري و اللي مضى من زماني
للصبح شمس ، و للدجى ضيّ نبراس
وانت [ الأمل ] في دنيتي ، والأماني
اذكرك ، و [ شفاه المواعيد ] يبّاس !
واضمى وصالك ، لو جفاك إرتواني
على : امل لقياك في [ مهجر الياس ]
عمت [ البحور ] اللي ، بليا مواني !
صمتي صداه اجراس واصوات الاجراس
[ تصدع بما تؤمر ] هنا ، في كياني !
اغضّ عنها الطرف ، وأقول لا باس
واسمع [ صداها ] في زوايا مكاني !
لو للحطب حيله ، على سطوة الفاس
ما شفتني من [ جور الأقدار ] اعاني
بسماتي : أشبه بـإبتسامات الأعراس
يقرا [ رضاها ] فيّ ، مَن لا قراني !
و العبره اللي مرّها الدمع ، عسّاس
قطفت : يانع طلعها ، من .. لساني
دمعة حبر ، طاحت على خد قرطاس
فيها : نطق همس الشعور و حكاني
عطني كفن حبك ، قبل يلفظ أنفاس !
و انا : عليّ ، أطويه : بين المحاني
و امّطر : على فياض الضمير المعاني
سقياهـ نبض ، و نفحة انسامه انفاس
و عشبه شرايين ، و غصونه محاني
لا هزّها ، من يمة [ الوجد ] نسناس
فجّر ، ينابيع [ الحنين ] ، و ملاني !
عليك : يا ماخذ عيوني ، من الناس !
في حاضري و اللي مضى من زماني
للصبح شمس ، و للدجى ضيّ نبراس
وانت [ الأمل ] في دنيتي ، والأماني
اذكرك ، و [ شفاه المواعيد ] يبّاس !
واضمى وصالك ، لو جفاك إرتواني
على : امل لقياك في [ مهجر الياس ]
عمت [ البحور ] اللي ، بليا مواني !
صمتي صداه اجراس واصوات الاجراس
[ تصدع بما تؤمر ] هنا ، في كياني !
اغضّ عنها الطرف ، وأقول لا باس
واسمع [ صداها ] في زوايا مكاني !
لو للحطب حيله ، على سطوة الفاس
ما شفتني من [ جور الأقدار ] اعاني
بسماتي : أشبه بـإبتسامات الأعراس
يقرا [ رضاها ] فيّ ، مَن لا قراني !
و العبره اللي مرّها الدمع ، عسّاس
قطفت : يانع طلعها ، من .. لساني
دمعة حبر ، طاحت على خد قرطاس
فيها : نطق همس الشعور و حكاني
عطني كفن حبك ، قبل يلفظ أنفاس !
و انا : عليّ ، أطويه : بين المحاني
لشآعرها / فيصل آلعطآوي
ليست هناك تعليقات:
إرسال تعليق